11 Shkurt 2023

Protesta e opozitës kanë marrë vëmendjen edhe të mediave të huaja. “The Washington Post” ka pasqyruar tubimin e opozitës të thirrur nga ish-kryeministri Sali Berisha, duke përfshirë dhe incidentet e tensionet që shoqëruan protestën.

Artikulli i “The Washington Post”:

Mijëra mbështetës të opozitës politike shqiptare morën pjesë në një protestë antiqeveritare, duke kërkuar dorëheqjen e kryeministrit për korrupsion të dyshuar dhe keqpërdorim të ekonomisë së kombit të vogël ballkanik.

Sali Berisha, një ish-president dhe ish- kryeministër i Shqipërisë që drejton Partinë Demokratike dhe ish-presidenti Ilir Meta, i cili drejton Partinë e Lirisë, ishin mes protestuesve që u mblodhën para ndërtesës kryesore të qeverisë me pankarta dhe brohorima që kryeministri Edi Rama,  i Partisë Socialiste të qendrës së majtë në pushtet të japë dorëheqjen.

“Ka ardhur koha që ky revolucion të nxjerrë paratë e korruptuara dhe t’i kthejë në paga dhe pensione më të larta”, tha Berisha.

Pjesëmarrësit e protestës hodhën bomba tymi në hyrjen kryesore të ndërtesës së qeverisë, ku qindra oficerë policie formuan një linjë për të mbrojtur ndërtesën.

Kritikët e Ramës e akuzuan për korrupsion dhe e konsiderojnë atë përgjegjës për eksodin e të rinjve shqiptarë që janë larguar për të ndjekur punë në vendet e Evropës Perëndimore.

Rama thotë se kabineti i tij e ka mbajtur inflacionin të ulët në krahasim me vendet e tjera në Evropë dhe ka subvencionuar energjinë elektrike për familjet dhe bizneset e vogla.

Opozita akuzon gjithashtu Ramën për korruptimin e Charles McGonigal , një ish-zyrtar i lartë i kundërzbulimit të FBI-së, i cili akuzohet në Shtetet e Bashkuara se ka fshehur nga FBI detajet kryesore të një udhëtimi në Shqipëri në vitin 2017 me një ish-zyrtar të inteligjencës shqiptare, i cili dyshohet se t’i kishte dhënë të paktën 225,000 dollarë./ BW